Repsol YPF

¿Que é?

ADOC Automoción é un servizo exclusivo de Repsol, que mediante a análise do aceite, permite coñecer o estado e a evolución dos seus motores ao emitir o diagnóstico apropiado en cada caso.

Para iso, avalíanse os parámetros máis significativos do lubricante utilizado en cada tipo de motor, e particularízanse os ensaios que se van realizar.

ADOC Automoción diríxese basicamente ás frotas de transporte, xa sexa de persoas (frotas de autobuses urbanos ou interurbanos) ou de mercadorías (transportes nacionais ou internacionais) que utilizan motores diésel de potencia media con ou sen sobrealimentación.

Mediante a utilización deste servizo, pódese realizar un completo seguimento do estado tanto do motor como do lubricante para así obter uns períodos óptimos de mantemento do vehículo.

Só coa análise de mostras periódicas do seu aceite lubricante, o sistema ADOC Automoción é capaz de avaliar o estado do seu motor ao detectar as anomalías que puidese ter. Desta forma, as posíbeis futuras avarías poderanse previr e remediar.