Repsol YPF

Como usalo

Ser usuario do sistema ADOC Automoción é moi sinxelo. Para solicitalo, póñase en contacto con algunha das nosas delegacións ou ben diríxase á nosa central de Asistencia Técnica en Madrid.

O noso persoal facilitaralle un código de cliente e uns impresos nos que sinalará unha serie de datos necesarios para o seu ingreso no sistema para cada un dos motores dos que vostede desexe facer o seguimento.

Unha vez realizada a súa solicitude, Repsol facilitaralle:

• Uns recipientes especiais para a toma de mostras.
• Unhas etiquetas con códigos de barras para a identificación das mostras.
• Unhas tarxetas para o envío de información de cada mostra.
• Uns sobres con franqueo concertado en destino para o envío das mostras aos nosos laboratorios.

Toma da mostra

A tarxeta de datos contén unha serie de instrucións a seguir para a correcta toma da mostra. Unha vez tomada, deberá identificala mediante as dúas etiquetas proporcionadas que teñen o mesmo código de barras: unha, marcada cun A, para o bote que contén a mostra de aceite e outra, marcada cun T, para a tarxeta coa información da devandita mostra.

Envío por correo

Complete todos os datos que se solicitan na tarxeta informativa necesarios para a xestión (datos do cliente, instalación, motor, etc.) e o diagnóstico (datos do aceite, horas de uso, reposicións diarias, etc.). A continuación, introduza a mesma xunto coa botella da mostra correctamente pechada dentro do sobre especial e remítaa ao enderezo indicado.