Repsol YPF

A instalación de gas consiste, basicamente, nun centro de almacenamento formado por unha batería de envases de 35 kg (situados no interior dunha caseta) ou de 11 kg (situados normalmente na terraza da vivenda do cliente), unha rede exterior e unha rede interior ata os aparellos de consumo.

As dimensións de cada botella de 35 kg é de 30 centímetros de diámetro cunha altura total de 143 centímetros. As botellas van provistas na súa parte superior dunha válvula tipo IESA, cunha válvula de seguridade, protexida mediante un colar ou anel metálico arredor desta. Na parte inferior, dispón dun aro base para garantir a súa estabilidade.

Está formada basicamente polos seguintes elementos:

• Bastidor metálico con tratamento para os exteriores galvanizados, con dous tubos colectores de 3 ou 5 tomas e conexións para inversor tamén galvanizadas.
• Inversor.
• Limitador de presión.
• Indicador de Servizo reserva.
• 6 liras (para baterías de 3+3) ou 10 liras (para baterías de 5+5).
• 6 antirretornos (para baterías de 3+3) ou 10 antirretornos (para baterías de 5+5).
• 6 limitadores de caudal (para baterías de 3+3) ou 10 limitadores de caudal (para baterías de 5+5), rede exterior de canalización de cobre de 10-12 milímetros, incluída unha chave de corte 20/150 e unha intermedia dobre porca 20/150. 

A instalación interior consta de:

• Tubo de cobre 10/12 milímetros.
• Regulador de dobre dispositivo de seguridade.
• Conexión de puntos de consumo con chaves de corte independentes para cada aparello.