Repsol YPF

Propiedades

Coñecer as propiedades dos compostos agrícolas e dos produtos con eles fabricados é fundamental para conseguir un óptimo aproveitamento dos devanditos produtos.

A elección, por exemplo, do filme de acolchado máis indicado para unha explotación pode significar un incremento moi considerábel na rendibilidade da explotación.

No caso concreto de invernadoiros, as propiedades fundamentais que o agricultor ten en conta son: 

Duración: Debe ser a adecuada para que o filme presente en todo momento propiedades que permitan un óptimo crecemento das plantas. 

Mecánicas: Que permitan unha axeitada instalación e resistencia aos impactos físicos e meteorolóxicos. 

Radiométricas:

• Radiación PAR: Debe ser o maior posíbel xa que é a que utilizan as plantas para producir materia orgánica e polo tanto as colleitas. 

• Difusión de luz: En lugares con pouca nebulosidade debe ser o máis gran posíbel para permitir unha mellor distribución da luz no invernadoiro. 

• Termicidade: É a capacidade que teñen os filmes de reter dentro do invernadoiro a radiación de infravermello longo que é a responsábel do seu arrefriamento. 

• Outras propiedades radiométricas: Radiación Ultravioleta e Infravermello Próximo 

Antigoteo: Esta propiedade refírese á capacidade que presentan algúns filmes de evitar que neles a auga se condense en forma de gotas que reducen a súa transmisión luminosa.