Repsol YPF

Un composto agrícola consta, maioritariamente, dunha resina base, xeralmente, emprégase Polietileno de Baixa densidade (PEBD) ou Copolímeros Eva e de aditivos que, a pesar de ser minoritarios, son responsábeis de boa parte das propiedades do filme. Un composto pode chegar a conter ata un 15% do seu peso en aditivos e ata 15 aditivos diferentes (polo que nun filme tricapa poderían coexistir ata 45 aditivos diferentes). Entre as familias de aditivos máis utilizadas están:

Escorregantes e antibloqueo
Antioxidantes
Absorbedores UV
Estabilizantes á luz
Modificadores da tensión superficial
Aditivos que bloquean IR afastado
Fotoselectivos

Con frecuencia, utilízase máis dun aditivo dunha mesma familia. Estes aditivos son moléculas químicas máis ou menos complexas de diferente natureza que, con frecuencia, poden interaccionar entre si, unhas veces positivamente e outras negativamente.

En definitiva, pódese falar no caso hipotético dun filme tricapa con formulacións completamente distintas en cada unha das capas da coexistencia neste de 45 aditivos diferentes, algúns dos cales migran entre as capas polo que poden interaccionar con aditivos doutras capas.

A utilización dun composto agrícola de Repsol YPF ofrece as seguintes vantaxes:

O transformador diríxese a un provedor único, co que se reduce o risco de utilizar aditivos incompatíbeis ou nunha proporción inadecuada. Ademais, redúcese o número de materias primas a almacenar.

Os aditivos son seleccionados por Repsol YPF que está especializado na química de polímeros e dispón de anos de experiencia neste campo.

Os aditivos son dispersados máis uniformemente na resina base ao fabricar os compostos en equipos especializados para iso, tendo ademais, dúas etapas de homoxeneización; durante a fabricación do composto e durante a extrusión. Permite ademais un aforro de man de obra, aumentando a produtividade.