Repsol YPF

Repsol YPF Aviation en Chile

Situada no aeroporto Arturo Merino Benítez (SCL) da cidade de Santiago, iniciou as súas operacións en outubro de 1998. Está operativa as 24 horas os 365 días do ano. A unidade de negocio de aviación conta cun staff de oito persoas cunha grande experiencia no mercado da aviación, un oficial manager aviation, un Xefe de planta e seis operadores.

A unidade de negocio de aviación encárgase da planificación e da compra de combustíbel, da comercialización e da operación intoplane, ademais de todo o proceso de control de stock, facturación e información de prezos ás distintas liñas aéreas.

Servizo de intoplane

A Aeroplanta de Chile conta con catro unidades abastecedoras de combustíbel para queroseno de aviación (JP 1); estes dispensadores son dúas unidades Garsite e dúas unidades Bosserman. Os 4 chasis Ford F-350 7.3 litros turbo diésel ano 1998 (2), 2.000 (1) e 2006 (1), son de última xeración e as máis modernas do aeroporto SCL de Santiago de Chile.

Estes equipos de abastecemento permítennos dar servizo a variedade de avións, dende un turbohélice (overwings) do tipo executivo ata unha fuselaxe ancha pasando polos B-747, avións militares do tipo C-5 ou os rusos ANTONOV.

Ao operar con dúas unidades de forma simultánea nun mesmo avión temos unha capacidade de entrega de aproximadamente 5.200 l por minuto, limitado pola capacidade de entrega da planta almacenadora SIAV xa que os equipos están deseñados para 800 e 900 Usg por min. ( 6.400 l) aprox.

Destacámonos no aeroporto por prestar un servizo oportuno, requisito importante para as liñas aéreas comerciais. O noso departamento manéxase baixo o lema "O cliente nunca debe esperar".

Actualmente abastecemos algunhas das principais liñas aéreas internacionais que operan dende e cara a Santiago.

O persoal deste departamento ademais de cumprir co servizo de intoplane, desenvolve as funcións de mantemento da aeroplanta e dos equipos abastecedores de combustíbel, tanto na parte mecánica automotora coma na programación e revisión do sistema hidrante dos equipos abastecedores cumprindo coas normas para o control de calidade de combustíbel nos aeroportos (JIG).