Repsol YPF

Rede de Aeroportos

Repsol comercializa combustíbeis de aviación en todos os aeroportos de España. Na península subministra o produto aos clientes principalmente a través dos axentes into plane SLCA e CLH Aviación, nas Illas Canarias a través de Terminales Canarios e nas Illas Baleares a través de SLCA. A actividade de comercialización de combustíbeis de aviación en España está certificada pola norma de calidade UNE-EN ISO 9001.

En Portugal Repsol vende combustíbel de aviación nos aeroportos de Lisboa, Porto, Faro, Illa de Madeira e Illas Azores. A actividade de comercialización de combustíbeis de aviación en Portugal está certificada pola norma de calidade UNE-EN ISO 9001.

En Arxentina YPF vende estes produtos en todos os aeroportos do país, certificados cada un deles baixo a norma ISO 9000. E finalmente en Chile ePerú Repsol vende combustíbel de aviación nos aeroportos de Santiago de Chile e Lima.

En todos os aeroportos se seguen os máis altos estándares técnicos, de seguridade e calidade, cúmprese coa normativa internacional de referencia no sector e asegúrase con iso a tranquilidade e confianza de todos os nosos clientes. Os modernos equipos de subministración, xunto coa experiencia do equipo de Repsol YPF, aseguran un óptimo servizo aos nosos clientes.

No caso de aviación xeral, ademais do servizo nos aeroportos, dentro do marco da política de soporte e asesoramento técnico aos clientes o Departamento de Asistencia Técnica de Repsol Aviación imparte formación para a correcta manipulación dos equipos de almacenamento e subministración de combustíbel de aviación en bases fóra de aeroportos e o control de calidade do combustíbel.

Grazas ao contacto directo con todos os nosos clientes, estamos en disposición de entender as súas necesidades presentes e enfocar conxuntamente os seus plans de futuro. Recoñecemos as diferenzas existentes entre unha liña aérea e un cliente de aviación xeral e somos capaces de atender as peculiaridades de cada un deles. Toda a nosa operativa baséase sempre en formulacións de seguridade seguindo procedementos estandarizados internacionalmente.

Repsol YPF está presente na cadea completa de subministración dende a refinaría ata que o produto está no avión. O proceso de refino do combustíbel de aviación foi o primeiro en certificarse ISO 9000 en todas as refinarías de Repsol YPF. O grupo ten unha produción próxima aos 39 millóns de toneladas ao ano en todo o mundo e ten acceso ademais a outras fontes de abastecemento.