Repsol YPF
Ruta
Repsol Grasa Molibgras EP-2
Graxa lítica de extrema presión, fabricada con aceites base de alto grao de refino. Leva incorporados aditivos especiais de extrema presión, que xunto co seu contido en bisulfuro de molibdeno, lle proporcionan excelentes propiedades antidesgaste, así como unha gran capacidade para traballar a elevadas temperaturas.
Usos recomendados:
- Especialmente recomendada na lubricación de mecanismos expostos a esvaramentos, cargas moi elevadas e longos períodos de engraxamento.
- Engraxamento de chumaceiras lisas, chumaceiras de martelos hidráulicos, engrenaxes abertas e quinta roda.
- Servizos moi intensos, como trens de laminación.
- Campo de aplicación de -20 ºC a 110 ºC.
Repsol Graxa Tuneladora
Graxa de elevada calidade, formulada con aceite mineral altamente refinado, espesada con xabón complexo de litio con bisulfuro de molibdeno. Leva incorporados aditivos antioxidantes, anticorrosivos, antidesgaste e de extrema presión. Especialmente desenvolvida para a lubricación de tuneladoras.
Usos recomendados:
- Graxa lubricante para todo tipo de rodamentos que traballen a baixa, media ou alta temperatura.
- Campo de aplicación de –10º C a 160º C, con máximos de temperatura de ata 315º C.
- Deseñado para manter a estanquidade de xuntas e a lubricación de chumaceiras de máquinas tuneladoras.
Repsol Grasa Iberfarm 88
Graxa de base lítica en consistencia moi fluída, especialmente deseñada para lubricar os fusos e eixos das cultivadoras de algodón. Este produto é moi estábel, cun elevado punto de fusión, o que reduce consumos e salpicaduras.
Usos recomendados:
- Excelente fluidez nun amplo intervalo de temperaturas.
- Gran protección dos mecanismos.
- Boa adherencia e untuosidade.
Nota informativa: Tradución do orixinal en castelán. No caso de calquera discrepancia, prevalecerá a versión en castelán.