Repsol YPF

Documentación que se entrega

Para as Revisións Periódicas realizadas polo Servizo Oficial

Se vostede realizou a revisión periódica da súa instalación co servizo oficial de Repsol Butano e, foi considerada apta para o consumo, o noso técnico entregaralle a seguinte documentación:

• Carpeta de documentación para o cliente
• Tarxetas de Servizo de Asistencia Técnica
• Factura
• Certificado de Revisión Periódica
• Documento de Garantías e Servizos
• Adhesivo da Revisión Periódica

O documento máis importante é o Certificado de Revisión Periódica. Nel, débense reflectir os datos da instalación, ademais dun impreso cun esbozo desta.

Nalgunhas Comunidades Autónomas, pode ser obrigatorio o uso dun modelo oficial de certificado de revisión da autoridade competente.

O Certificado de Revisión Periódica debe constar sempre de tres copias: unha para o cliente, outra para o servizo oficial e unha terceira que o servizo oficial se encargará de remitir a Repsol Butano.

En caso de que unha instalación non supere a revisión periódica por atopar defectos nesta, entregarase ao cliente o Impreso de Deficiencias na Instalación. Así mesmo, ofreceráselle un presuposto gratuíto de reparación das faltas e, informaráselle do prazo regulamentario para a súa reparación.

Revisións Periódicas realizadas por outras empresas instaladoras

Se vostede efectúa a revisión periódica cunha empresa instaladora legalmente habilitada para iso, distinta do servizo oficial de Repsol Butano, ten a obriga de deixarlle un certificado que acredite a revisión realizada.

Este certificado debe constar de tres exemplares: un deberá quedar en poder do usuario ou propietario da instalación, outro deberá vostede envialo á súa Axencia e, o terceiro deberá quedalo a empresa instaladora que lle efectuou a instalación.