Repsol YPF

Recomendacións de utilización e seguridade

Gas butano - propano envasado

Calquera nova instalación de gas ou cambio dunha antiga ten que realizalo unha empresa instaladora autorizada. 

Vostede debe manter en perfecto estado as súas instalacións e utilizalas correctamente. 

Se nota olor a gas, non acenda ningunha lapa nin accione ningún interruptor eléctrico. Peche o regulador, ventile a estancia e avise ao Servizo de Avarías ao seguinte teléfono 901 121 212. 

A lapa reflicte a calidade da combustión. Se esta é boa, a lapa será viva, estábel e azulada. Se é ruidosa, inestábel e con puntas amarelas, faga revisar os aparellos polo servizo técnico do fabricante. Mellorará a combustión e diminuirá o consumo de gas. 

Os gases butano e propano non son tóxicos. Como pesan máis que o aire, tenden a acumularse nos lugares baixos, polo que non se poden empregar nin almacenar nos sotos. 

Ten que haber sempre ventilación onde funcione un aparello de gas. Non obstrúa nin tape as reixas con ningún obxecto. 

O propano e o butano teñen un olor característico para que vostede o note inmediatamente en caso de fuga. 

O tubo flexíbel non se debe empregar máis alá do período de caducidade que nel se indica. Non o force nunca tirando en exceso.