Repsol YPF

Logismarket: Carretas a gas

1.- ¿QUE É AutoGas?

Autogás é unha mestura de GLP (Gases Licuados do Petróleo) que se utiliza como carburante en automoción, é o carburante alternativo máis utilizado no mundo.

Trátase dun carburante limpo e económico que mellora a calidade do aire de forma rápida e efectiva, xa que emite menores cantidades de óxido de nitróxeno, monóxido de carbono e hidrocarburos.

2.- ¿Como se pode usar o autogas?

Hoxe en día, existen dúas posibilidades para a súa utilización en carretas elevadoras:

• A través da subministración de botellas de 12 kg de carga neta de autogás para a súa colocación nunha carreta. O autogás é comercializado en botellas por Repsol Butano a través da súa ampla rede de axencias distribuidoras.
• A través de instalacións autónomas de subministración en exclusiva (subministración directa de autogás a granel) dende un surtidor a un depósito fixo instalado en cada carreta. O autogás comercializado a granel necesita dun punto de subministración de autogás dentro dos terreos do cliente, composto basicamente dun depósito de almacenamento, unha bomba e un poste de subministración para a subministración ás carretas.       

O depósito de almacenamento é un recipiente de aceiro destinado a conter autogás en estado líquido baixo presión. Estes depósitos poden ser aéreos ou enterrados en función do terreo dispoñíbel e das necesidades do cliente, estabelécense sempre as medidas de seguridade regulamentarias.

3.- Razóns para elixir autogás:

• O custo de cada carreta é lixeiramente inferior ás diésel.
• O seu mantemento é máis económico.
• Unha vida máis longa do motor, por un menor desgaste na combustión.
• Baixos tempos de recarga.
• De autonomía similar á dos produtos diésel e moi superior á dos eléctricos.
• Maior respecto ao ambiente. Baixas emisións de contaminantes, tanto regulados coma non regulados.
• Condución suave, silenciosa e sen vibracións.
• Resposta case inmediata ante a demanda dun esforzo. Maior potencia e maior par motor a carga parcial, que é o seu réxime natural de funcionamento.
  

4.- Vantaxes fronte a outros produtos:

Fronte ás carretas de gasóleo:

• Emisións menos contaminantes.
• Menor custo da carreta.
• Menor custo de combustíbel.
• Maior suavidade de condución.
• Maior vida do motor.
• Menor custo de mantemento.
• Funcionamento máis silencioso.
• Posibilidade de uso en zonas restrinxidas a determinados combustíbeis.     

Fronte ás carretas GNC (gas natural comprimido):

• Custosa infraestrutura de recarga do GNC.
• Menor custo da instalación (obra civil, proxecto e autorizacións).
• Menor custo da carreta.
• Menor custo de mantemento.
• Maior eficiencia enerxética.
• Difícil control da calidade do carburante do GNC.
• Elevados tempos de recarga.
• Só utilizábel en zonas con rede de gas natural.    

Fronte ás carretas eléctricas:

• Menor investimento na instalación.
• Menor custo da carreta.
• Menores custos derivados do combustíbel.
• Maior vida da carreta.
• Maior capacidade de carga.
• Menor custo de mantemento.
• Maior eficiencia enerxética.
• Menores tempos de recarga (carga). 
• Maior autonomía.    

Volver