Repsol YPF

Os módulos de coxeración de pequena potencia son a solución ideal para todos aqueles usuarios que precisen regularmente calor a baixa temperatura e con consumos eléctricos baixos. Polo tanto, idóneos para piscinas cubertas que empregan enerxía calorífica en forma de auga quente para as duchas, o vaso da piscina e o quentamento do aire ambiental do pavillón e dos vestiarios; e que tamén necesitan enerxía eléctrica para as bombas de depuración, a iluminación, a ventilación, etc.

Pódese producir frío mediante compresores convencionais ou mediante máquinas de absorción, como se resume na seguinte táboa:

No caso das máquinas de absorción, pódese empregar calor residual procedente de procesos industriais ou sistemas de coxeración na etapa de quentamento do ciclo, en lugar da chama dun queimador e obteremos as seguintes vantaxes:

Maior tempo de funcionamento do módulo de coxeración ao aproveitar adicionalmente a enerxía térmica.
Redución do consumo de enerxía eléctrica da rede e, con iso, do custo da enerxía.

Para aplicacións de coxeración de 20 a 170 kW, fabrícanse e comercialízanse módulos de coxeración compactos que se poden utilizar en lugares onde se necesita "in situ" simultaneamente, como por exemplo piscinas, hospitais, edificios de administración, a industria e colonias de vivendas con subcentrais térmicas. Os módulos de coxeración pódense utilizar en combinación con plantas de refrixeración por absorción, co que se conseguen longos tempos de funcionamento tamén no verán.