Repsol YPF

O GLP para climatización. Equipos para climatización

Climatizar é adecuar as condicións de temperatura, humidade relativa, pureza do aire (po, olores, bacterias, etc.) e, ás veces, tamén de presión, do interior dun local, dunha vivenda etc., ás condicións do ambiente exterior para obter confort no interior.
 
A demanda dun confort anual é cada vez máis pronunciada no sector terciario e no doméstico. Non só se trata de limitarse á calefacción dos locais durante o inverno, senón climatizar os edificios durante todo o ano co obxecto de manter as condicións ambientais dentro de marxes satisfactorias para os ocupantes, en termos de confort.

Un sistema de climatización está composto por elementos e equipos montados co obxecto de quentar ou arrefriar, humidificar ou deshumidificar, limpar, purificar e transportar o aire exterior, para acondicionar o interior co óptimo aproveitamento de enerxía. Os rendementos dun sistema de climatización a gas son superiores ou, no peor dos casos, equivalentes aos doutros sistemas. Os equipos de gas manteñen altos rendementos mesmo cando as necesidades de calefacción ou refrixeración son só unha pequena parte da potencia total instalada, co conseguinte aforro enerxético. A potencia eléctrica que requiriría contratar o usuario para a produción de aire acondicionado, pode ser destinada a outros usos ou, simplemente, eliminada.