Repsol YPF

Solucións enerxéticas

Restaurantes

• Cociña
  Na cociña, a competencia do gas propano é a electricidade, xa que os combustíbeis líquidos e sólidos non teñen a mesma versatilidade que o gas propano. O uso de determinados combustíbeis sólidos (carbón vexetal e leña) para fornos e grellas, co fin de conferirlles aos alimentos cociñados determinadas características específicas de sabor e olor, é a excepción a esta regra, pero a súa importancia relativa respecto do consumo de gas propano en cociñas é mínima. No resto dos aparellos de cociña (pranchas, frixideiras, fornos, etc.) poden utilizarse electrodomésticos ou gasodomésticos.
• Calefacción e Auga Quente
  Respecto ao resto de aplicacións, e asumindo que a refrixeración será eléctrica, poden darse diversas solucións que integran, en maior ou menor medida, o gasóleo ou a
  electricidade como alternativa enerxética.

  En restauración o consumo de auga quente adoita ser proporcional ao número de comidas servidas, e non presenta diferenzas significativas entre estabelecementos. Pola contra, a demanda de calefacción está totalmente condicionada polo réxime climático do lugar onde se sitúe o restaurante, polo que se dan diferenzas moi acusadas que xustifican a heteroxeneidade nas solucións enerxéticas adoptadas.

Hoteis

As diferenzas entre restaurantes e hoteis, dende o punto de vista enerxético, radican esencialmente nunha maior demanda de auga quente sanitaria e calefacción nos hoteis. Son, polo tanto, igualmente válidos as catro solucións descritas no apartado dos restaurantes, considerando que no caso de hoteis os equipos son de maior potencia, o depósito de almacenamento de maior capacidade e as instalacións poderán ser centralizadas. A cociña deixa de ser a principal demandante de enerxía e o aforro na factura enerxética xustifica a instalación de caldeiras centrais alimentadas por gasóleo.

Así mesmo no caso de solucións eléctricas a refrixeración terá un maior peso. Non obstante, para hoteis pequenos, casas rurais, refuxios de montaña, etc., o propano conta con opcións reais, que se porán de manifesto na análise comparativa.