Repsol YPF

O proceso siderometalúrxico

A variedade de pezas que se utilizan na actualidade, obrigou a desenvolver un conxunto de procesos industriais co obxecto de aumentar a calidade dos produtos así como de abaratar os custos. En cada caso, cómpre utilizar o proceso para o que unha peza determinada, dun material específico, proporciona a mellor relación calidade-prezo. Os procesos de conformado adoitan clasificarse en función do tipo de enerxía posta en xogo, polo que adoita falarse de procesos de conformado térmico e procesos de conformado mecánico. En calquera proceso utilizaranse ambos os dous tipos de enerxía, pero unha das dúas será preferente, o que non quere dicir que sexa a máis utilizada. Os procesos poden ser en quente ou en frío: a palabra quente ou frío fai referencia á temperatura do material a que se aplica. Cando nun proceso se supera a temperatura de recristalización do material fálase de proceso en quente, e cando non se alcanza a devandita temperatura fálase de proceso en frío. Se se traballa por enriba da temperatura de recristalización das aliaxes, estas poden deformarse plasticamente sen endurecerse. Esta capacidade de deformación é a que utilizan os procesos de conformado en quente tipo forxa, martelado, prensado, extrusión, laminado, forxado por impacto, formado por estampación, etc. Cando o material se traballa en frío, a deformación endurece o material, e fálase entón de procesos en frío: forxado, laminado, estampado, estirado, extrusión, etc.

• Fusión
• Laminación
• Forxa
• Tratamentos térmicos