Repsol YPF

Solucións para o sector cerámico con gas propano

Dos procesos descritos no capítulo anterior, o gas propano pode constituír a fonte de enerxía en calquera que implique quentamento, e en concreto nas tres etapas: atomización, cocción e secado.

As fontes enerxéticas que son ou foron competencia do gas propano no proceso cerámico son:

• O gasóleo
  
• A electricidade
  
• O gas natural
  
• O fuel
  
• O carbón e outros combustíbeis sólidos
  
• As calores residuais en procesos a baixa temperatura (secado, prequentamento...). 

Para determinados procesos cerámicos, algunhas desas fontes de enerxía están descartadas. Por exemplo, o fuel e os combustíbeis sólidos utilízanse case exclusivamente na fabricación de materiais de construción de cerámica vermella (ladrillos, tellas, bovedillas...), é dicir, produtos de baixo valor engadido por peza. Alí prímase ata tal punto o custo que se utiliza case "calquera produto barato que queime".

Pode considerarse polo tanto que a competencia directa do gas propano constitúena a electricidade e o gasóleo. O gas natural, polas tarifas actualmente existentes, desbanca o gas propano neste sector naqueles lugares onde está economicamente dispoñíbel. Como regra xeral, en zonas onde hai gas natural, pódese afirmar, que o gas propano atopa o seu sitio natural en industrias cerámicas de valor engadido medio ou alto, con consumos inferiores a 100 Tm/ano, nas que é elevado o investimento inicial de conectarse ao gas natural.

Na fabricación de cerámica vermella a competencia é o gasóleo, mentres que a electricidade é habitual en pequenos talleres de cerámica de artesanía, con consumos pouco importantes.

• Fornos
• Secadoiros
• Atomizadores