Repsol YPF

Ligantes sintéticos pigmentábeis

O betume pigmentábel Recofal é un produto patentado con tecnoloxía propia e desenvolvido polo Centro de Tecnoloxía de Repsol YPF. Son produtos aglomerantes de propiedades similares aos betumes. Obtéñense a partir dunha mestura de resinas, aceites e polímeros. Os ligantes sintéticos son incoloros en película fina e mediante a incorporación de pigmentos minerais pódeselles conferir a coloración desexada.

En Repsol YPF prodúcense ligantes sintéticos, baixo a denominación RECOFAL, para a fabricación de mesturas pigmentadas, axeitadas para a súa aplicación en zonas especiais. Pódense conseguir pavimentos de todas as cores cunha nitidez e luminosidade excelentes. Igualmente permite a súa utilización sen pigmento ningún e resulta a cor da mestura igual á do árido, ideal para conseguir tonalidades naturais e plenamente integradas co ámbito.

Estes betumes aplícanse en:

• Pavimentacións de carrís para bicicleta en parques e xardíns.
• Construción de beirarrúas e medianeiras.
• Construción de aparcadoiros.
• Zonas especiais con fins de seguridade
• Patios visitábeis de edificios
• Pistas deportivas
• Zonas de estacionamento de servizos públicos de transporte
• Paradas de autobús
• Túneles de cores claras para reducir as necesidades de iluminación.