Repsol YPF

Betumes modificados con caucho (BMC)

O emprego de caucho procedente de pneumáticos fóra de uso, permite mellorar as calidades reolóxicas respecto ao betume de partida. Co emprego de betumes modificados con caucho increméntase significativamente a durabilidade do firme respecto ao uso de betumes convencionais, o que implica un importante aforro económico a medio-longo prazo.

Debido á incompatibilidade inicial do po de pneumático cos betumes, foi necesario utilizar betumes específicos e algúns compatibilizantes químicos. Isto motivou o desenvolvemento dun proceso específico de fabricación que nos permitiu obter uns produtos estábeis ao almacenamento, nun amplo rango de especificacións.

Estes betumes, ademais das vantaxes técnicas mencionadas achegan importantes vantaxes ambientais, por un lado colaboran na eliminación de pneumáticos fóra de uso en vertedoiros e por outro, minimizan o impacto acústico ao reducir os niveis de ruído durante a rodadura dos vehículos, aspecto que ten especial relevancia en vías urbanas e circunvalacións.

As especificacións técnicas dos betumes modificados con caucho (BMC) correspóndense coas recollidas no artigo 215 do PG-3, segundo se indica na OC 21/2007 aprobada polo Ministerio de Fomento.

Os betumes modificados con caucho pódense empregar para as mesmas aplicacións dos betumes modificados con polímeros, destacan: capas de rodadura, capas delgadas descontinuas tipo F e M, mesturas drenantes e mesturas tipo S en capa intermedia con propiedades melloradas de fatiga e deformacións plásticas.

Repsol pon ao seu dispor o seu departamento de Asistencia Técnica que en cada caso poderá asesoralo sobre as mellores condicións de emprego, a manipulación e o almacenamento deste tipo de ligantes especiais.