Repsol YPF

Os datos expostos polo director xeral de transporte terrestre do Ministerio de Fomento, Juan Miguel Sánchez, corroboran, que as estradas seguen sendo a forma elixida pola gran maioría, para transportar as mercadorías. Os datos de 2007 expostos no Foro, deixan claro que as estradas seguen sendo o fluxo principal de mercadorías en España. Durante ese ano, o 83,86 por cento de mercadorías foron transportadas por estrada, o 10,48 preferiu a vía marítima e un 2,64 por cento elixiu o ferrocarril.

Os datos que se presentaron no Foro Nacional do Transporte, comparan a actividade do transporte por estrada en Europa coa de Estados Unidos. Mentres que en Europa o transporte de mercadorías por estrada supón o 45,6 por cento, en Estados Unidos só acada porcentaxes do 27,5 por cento, fronte ao 39,4 que representa o ferrocarril.

Estes datos veñen acompañados doutros que falan do peso das mercadorías transportadas. En España, o 48 por cento das mercadorías, non supera os 1.000 quilómetros de distancia entre o punto de partida e de chegada. Ademais o 85 por cento das toneladas transportadas móvense en traxectos de non máis de 150 quilómetros. Pautas que condicionan de xeito importante que a estrada siga sendo o medio máis utilizado para o transporte de mercadorías.

15/03/2010

Últimas noticias

> O mercado de comerciais lixeiros medra un 25,6 por cento durante febreiro
> Tráfico pon en marcha unha campaña intensiva de vixilancia e control de camións