Repsol YPF

Segundo apuntou a Asociación Nacional de Empresas do Sector de Dúas Rodas, a industria do ciclomotor ten por diante un ano 2010 cheo de incerteza no que fai ao seu futuro máis inmediato. Desde Anesdor, preocupa e moito, a repercusión que poida ter a intención do Goberno de elevar a idade mínima de condución.

Desde a Asociación Nacional de Empresas do Sector de Dúas Rodas, Anesdor, volveron amosar publicamente a súa preocupación ante as futuras consecuencias que poida traer a modificación lexislativa que ten prevista o Goberno de cara a elevar a idade mínima de condución de ciclomotores.

Segundo as cifras previstas por Anesdor para o sector dos ciclomotores no 2010, producirase unha redución do 10 por cento das matriculacións en España, o que supón un peso máis a esa caída acumulada na que se viu inmerso o sector nos últimos anos, e que xa supera o 65 por cento.

Anesdor volve pedir unha vez máis ao Goberno que paralice a modificación lexislativa para a subida de 14 a 15 anos da idade mínima de condución. Desde o sector, ponse como exemplos outros países como Francia e Italia que manteñen a idade de 14 anos.

12/03/2010

Últimas noticias

> A sinistralidade descende un 48 por cento durante febreiro
> Honda Instituto de Seguridade, premio á mellor acción de seguridade viaria do ano