Repsol YPF

A patronal do sector da moto, Anesdor presentou un informe no que se analiza ao miúdo a evolución do mercado das motos e ciclomotores durante o pasado ano. Neste informe establécese unha caída das matriculacións de 100.000 unidades durante 2008, que reflicte a situación económica pola que pasa o sector das dúas rodas.

Segundo o que reflicte este informe presentado por Anesdor acerca da evolución do mercado das motos e dos ciclomotores nos últimos meses, hai que destacar o ciclo negativo no que se atopa o sector das dúas rodas, afectado pola actual crise económica. En 2008, as matriculacións de motos descenderon en 100.000 unidades en relación ao 2007, o que supón un descenso do 25,01 por cento.

O sector dos ciclomotores foi sen dúbida a área dentro do mercado das dúas rodas na que se acusou de maior maneira a actual situación, xa que o mercado de ciclomotores descendeu un 33,24 por cento en relación ao ano 2007. As motocicletas de menos de 125 centímetros cúbicos tiveron unha evolución negativa durante 2008, rexistrando unha caída superior ao 26 por cento en relación ao ano anterior.

Sen dúbida, o mercado dos Quads foi o máis afectado nesta liña descendente das vendas durante o pasado ano, cunha caída que supera o 69 por cento en relación ao ano 2007 Así, este segmento sitúase como o máis afectado, aínda que o descenso das matriculacións de quads xa tivera o seu inicio no ano 2006.

29/01/2009

Últimas noticias

> Honda Scoopy: clásico renovado
> A ITV tamén obrigatoria para os ciclomotores