Repsol YPF

As tecnoloxías respectuosas co medio ambiente marcan xa non só o futuro senón o presente da industria do motor. As marcas tentan adecuar os seus modelos ás restritivas normas e ao mesmo tempo traballan en prototipos futuristas, con deseños imposibles, equipamentos novos ao servizo da moda verde.

Toyota A-BAT

Así, Toyota presenta neste salón o prototipo dun pick-up compacto, o A-BAT, deseñado no seu Centro de California, sobre unha plataforma dun só corpo e con tecnoloxía híbrida para o motor, ademais de paneis solares no teito para lograr enerxía suplementaria.

Mitsubishi Ra

Namentres, Mitsubishi sorprenderá cun impresionante coupé que aposta polo medio ambiente ao utilizar un motor diésel de altas prestacións cun consumo contido e unhas emisións contaminantes reducidas. Ademais, este vehículo, denominado Ra, incorpora unha caixa de cambios automática que permite unha condución deportiva grazas ao duplo embrague.

Mazda Furai

Outro que aposta polas tecnoloxías verdes é Mazda que introducirá no seu concept Furai o uso do etanol. Este deportivo baséase nos coches de competición e recupera o chasis do modelo Courage C65 co que a marca xaponesa correu as American Le Mans Series fai dous anos.

Pola súa parte, Honda presentará unha nova xeración do Pilot, un todoterreo con deseño futurista e que foi equipado coas últimas tecnoloxías en materias de seguridade e medio ambiente. A firma xaponesa redeseñou o exterior este todoterreo, con capacidade para oito persoas, que ofrece agora unha imaxe máis xenérica.