Repsol YPF
Ruta
SALÓN FRANKFURT
Volkswagen
- Tiguan
- City Expert- Concept Car
- Gama Bluemotion
Volkswagen Tiguan
A firma alemá acude ao Salón de Frankfurt da man dunha das novidades máis destacadas do evento: o novo Tiguan. Este todocamiño, irmán pequeno do Touareg, foi deseñado para o goce do lecer e ofrece, á vez, o máximo rendemento na cidade. Volkswagen equipará a este vehículo, por primeira vez e de forma exclusiva, con propulsores turboalimentados de inxección directa que reducen o consumo e as emisións de dióxido de carbono sen renunciar ás máis altas prestacións. Outra das novidades deste vehículo é que estará dotado con Park Assist, un sistema de asistencia que se monta nun vehículo por primeira vez no mundo. O Tiguan incorporará de saída tres motores TSI de 150, 170 e 200 CV e dous TDI de 120 e 170 CV.
Volkswagen City Expert
O concept car City Expert é outras das novidades mundiais que Volkswagen presentará en Frankfurt. A disposición posterior do motor de tres cilindros é a principal novidade deste pequeno automóbil de catro prazas que chegará ao mercado arredor do ano 2010. A marca alemá producirá dúas versións deste coche, unha destinada ao mercado europeo, pensada para o ambiente metropolitano e con reducidas emisións de dióxido de carbono e outra para mercados emerxentes como Brasil, China, Rusia ou a India, que tería menos equipamento e menos seguridade pero sería máis barata.
Ademais destes dous modelos, o stand de Volkswagen, que exhibirá un total de 50 modelos, presentará por primeira vez seis novos modelos BlueMotion, entre os que se atopa o Golf.
As marcas do Salón
> Volkswagen | ||||
|
Nota informativa: Tradución do orixinal en castelán. No caso de calquera discrepancia, prevalecerá a versión en castelán.