Repsol YPF

• Fabia
• Octavia 1.8 TFSi
• Octavia Scout   

Fabia 

Fabia 

Skoda renovou o seu modelo Fabia e este compacto de cinco portas viu aumentado o seu espazo interior e a capacidade do maleteiro considerablemente (grazas aos seus 300 litros colócase na cabeza do segmento) para ser máis espazoso que o seu predecesor. Ademais, conta cun deseño máis fresco e unhas liñas máis dinámicas que atraerán a novos clientes á marca. O novo Fabia ofrécese con sete motorizacións distintas das que catro son gasolina e tres diésel. A gama de potencia vai dos 60 aos 105 CV e de momento está dispoñible coa carrozaría cinco portas, aínda que máis adiante haberá máis versións.

Octavia 1.8 TFSi

Octavia 1.8 TFSi 

A gama Octavia incorpora o motor 1.8 TSI de 160 CV de potencia e cambio manual de seis velocidades, que substitúe ao 2.0 FSI de 150 CV. Este motor de catro cilindros con turbocompresor e inxección directa ofrece un par máximo de 250 Nm dende as 1.500 ás 4.200 rpm, o que fai que non sexa necesario cambiar de marchas con tanta frecuencia. Así, tanto a caixa de cambios como uns desenvolvementos máis equilibrados no bloque motor aseguran un comportamento suave. Este motor proporciona á gama Octavia e Octavia Combi unhas prestacións excepcionais cuns consumos contidos de 7,6 litros cada 100 km.

Octavia Scout

Octavia Scout

Skoda volve apostar polo segmento dos todo-camiños cun novo concepto de vehículo que non só compite cos seus rivais polo seu deseño e as súas calidades de condución, senón tamén por unha gran capacidade de carga que se sitúa nos 580 litros e aumenta até os 1.620 cos asentos posteriores abatidos. O Škoda Scout incorpora a tracción total do Octavia Combi 4x4 que só actúa en caso de perda de tracción das rodas dianteiras. A iso engade un deseño robusto e unha suspensión máis elevada que lle permite circular por camiños de montaña. Comercialízase co novo motor gasolina 1.8 TSI de 160 CV e co diésel 2.0 TDI DPF de 140 CV.