Repsol YPF

• 350Z de 313 CV
• X-Trail 
• Nissan Navara e Pathfinder 2008

Nissan 350Z de 313 CV 

Nissan 350Z

Nissan renovou o seu 350Z e agora dispón de máis potencia grazas á nova xeración do motor V6 de 3,5 litros, que desenvolve 313 CV e dispón dun par motor de 358 Nm a 4.800 rpm. Para poder situalo baixo o capó, este foi discretamente redeseñado e, grazas ao seu novo perfil, agora lembra ao do 240 Z, o iniciador da saga Z de Nissan. A gama de cores enriquécese con novos tons para a carrozaría e no interior existe unha nova tapizaría. Destaca tamén a adopción dos repousacabezas activos que minimizan os riscos de sufrir lategazos cervicais no caso de accidente por impacto traseiro. 

Nissan X-Trail

Nissan X-Trail 

O novo X-Trail mantén as liñas do modelo precedente, aínda que o certo é que se trata dun coche completamente novo. É 17,5 centímetros máis grande que antes, o que lle permite gañar máis espazo no habitáculo e no maleteiro, que dispón dunha capacidade de 603 litros. No interior os materiais melloraron a súa ergonomía e calidade, e o cadro de reloxos sitúase tralo volante en vez de no centro do cadro de mandos. En canto aos motores, ofrécense dúas versións diésel de 150 e 173 CV e dúas gasolina de 140 e 169 CV. Na nova gama do X-Trail suprimiuse a versión 4x2, así que só estará dispoñible co sistema de tracción All-Mode 4x4. 

Nissan Navara e Pathfinder 2008

Nissan Pathfinder

Unha das características mais apreciadas polos mercadores dos modelos Pathfinder e Navara é o seu deseño exterior, que transmite potencia e exclusividade. Agora, coa renovación de ambos, os cambios introducidos no exterior apórtanlle un toque Premium. No interior repítese esta sensación de maior luxo e melloráronse tanto a calidade dos acabados coma os materiais empregados. Destaca a presenza de aluminio puído e a iluminación dirixida á zona inferior do habitáculo, un detalle que adoita ser usual nos vehículos de categoría luxo.