Repsol YPF

• Mondeo
• C-MAX  

Ford Mondeo

Ford Mondeo

O distinguido e apenas presentado Ford Mondeo introduce novas características técnicas na gama Ford que combinan cunha mellorada dinámica de condución e seguridade. Dispón de tres estilos de carrozaría diferentes (4 portas, 5 portas e Sportbreak), aos que se suma unha ampla posibilidade de versións, innovacións técnicas e unha vasta gama de motorizacións: tres gasolina de 123, 145 CV e 220 CV e tres diésel de 125, 130 e 140 CV. Os prezos oscilan entre os 21.915 euros da versión máis económica até os 32.550 da máis cara. Máis adiante incorporaranse os motores 2.2 diésel e 2.3 gasolina.

Ford C-MAX

Ford C-MAX

O C-Max sufriu un restyling e adquire un dinamismo renovado, ademais de incorporar novos elementos de equipamento, tanto no interior como no exterior. Coñecido agora simplemente como Ford C-MAX (antes era Focus C-MAX), este áxil e compacto coche familiar únese ao S-MAX para crear unha nova familia de vehículos Ford polivalentes. Dende o inicio, a oferta de motorizacións é moi extensa. Conta con dúas opcións gasolina (1.6 de 100 CV e 2.0 de 145 CV), tres diésel (1.6 TDCi de 90 CV, 1.8 TDCi de 115 CV e 2.0 TDCi de 136 CV) e un Flexifuel, o 1.8 de 125 CV. Os prezos van dos 14.230 aos 20.894 euros.