Repsol YPF

Estes son os datos que deu a coñecer a Confederación Nacional de Autoescolas, CNAE, con respecto ao exercicio do pasado ano. A actual conxuntura económica tamén pasou factura ao sector das autoescolas, que durante o pasado ano viu como se reducía o número de permisos e licenzas de condución un 36 por cento con respecto ao 2008.

Segundo a Confederación Nacional de Autoescolas, CNAE, foron 1.006.593 os permisos e licenzas de condución que se expediron durante o pasado ano, o que supón 363.894 menos que durante o ano anterior 2008. Iso supón unha redución do 36 por cento, nunha das maiores caídas do sector nos últimos anos. Só se comparan os datos co ano 2003, no que practicamente non se chegou ao millón de permisos e licenzas expedidas.

Ante este panorama, a Confederación Nacional de Autoescolas amosou a súa disposición a reactivar o sistema do carné de conducir por un euro ao día, unha iniciativa que arrincou o mes de novembro de 2007 e que nun principio tiña disposición para alongarse durante 3 anos, pero finalmente interrompeuse en decembro do 2008. Desde a CNAE, vese factible nestes intres a reactivación dalgún tipo de medida deste tipo xa que existen fondos do ICO para PEMES.

Segundo os cálculos da CNAE, preto duns 100.000 mozos ao ano poderíanse beneficiar dunha medida como esta, que agora mesmo se atopa parada desde finais do 2008, pero que no seu día reuniu a 2.830 escolas, arredor dun proxecto no que colaboraron o Goberno, a Dirección Xeral de Tráfico e a Confederación Nacional de Autoescolas.

15/03/2010

Últimas noticias

> A produción de automóbiles en Europa derrubouse durante 2009
> O novo Alfa Romeo Giulietta chegará aos concesionarios en maio