Repsol YPF

O Salón Internacional do Automóbil de Madrid pecha as súas portas, tras dez días de actividade imparable, nos que a capital española se converteu no centro de todas as olladas daqueles profesionais e afeccionados do motor e o automobilismo. Ifema acolleu nos seus pavillóns un Salón do Automóbil polo que pasaron 955.823 visitas, que gozaron dunha mostra con primicias mundiais, novidades e tamén actividades para todos aqueles que se pasaron polo recinto feiral madrileño.

Repsol estivo presente neste Salón do Automóbil de Madrid, de maneira que os asistentes puideron contemplar o monopraza que Javier Vila conduce en GP2 e as motos dos pilotos Dani Pedrosa e Nicky Hayden, achegando a competición desta maneira aos afeccionados.Tamén como dato relevante, a maior parte dos stands habilitaron espazos dedicados ás novas tecnoloxías sobre modelos máis eficientes, con menos emisións e polo tanto máis respectuosos co medio natural.

O mal momento polo que está a pasar o mercado automobilístico español, que rexistrou unha caída do 14,2 por cento nos primeiros cinco meses deste ano e do 24,3 por cento no pasado mes de maio, fixo que tamén se note na asistencia. Así, este ano a asistencia foi un cinco por cento menor en relación ao último Salón de Madrid que se celebrou no ano 2006.

03/06/2008

Últimas noticias

> A DXT fai balance dos accidentes durante o mes de maio
> Salón de Madrid: exposicións e historia do automóbil