Repsol YPF

Elixir o mesado

O mesado é a pedra angular da cociña, onde a acción da calor, os utensilios cortantes, a auga e os ácidos poñen diariamente a proba a súa capacidade de resistencia. Xunto ás clásicas de pedra, aceiro inoxidable –máis común en hostalería- e madeira maciza, atopamos outras posibilidades moi variadas, estética e economicamente.

Os mesados fabricados a base de laminados son económicos, de fácil limpeza, resistentes e con múltiples posibilidades en cores e acabados grazas á capacidade de imitación que permiten estes materiais.

Se buscamos unha única peza, sen xuntas e co vertedoiro integrado, os compostos a base de resinas acrílicas permiten reunir estas características en múltiples deseños, e ademais son moi fáciles de limpar, aínda que a resistencia a temperaturas moi altas non está entre os seus puntos máis fortes. Os aglomerados de pedra artificial con resinas ofrecen características semellantes aos anteriores, e neste caso o prezo será algo menor, pero non poderemos telo todo nunha peza e non evitaremos as xuntas.

Os mesados de vidro ou cerámica tamén achegan un compoñente estético interesante, sempre tendo en conta que as primeiras serán máis sensibles ás reladuras e que as segundas son máis cálidas pero menos hixiénicas debido á gran cantidade de xuntas que require esta opción…

Mobles a xogo

Ao igual que os mesados, os mobles da nosa cociña poden ser de distintos materiais segundo as nosas necesidades ou gustos. En función do espazo do que dispoñamos e a elección do resto do mobiliario, poderemos decantarnos por materiais que vaian desde o aceiro inoxidable ata o DM lacado ou recuberto por PVC. Iso si, elixas o que elixas ten en conta á hora de limpalos que tanto os produtos abrasivos como os estropallos de aceiro inoxidable poderían chegar a deteriorar a súa superficie.

Aforrar auga e enerxía

Se estás pensando en cambiar as túas billas, non esquezas que as billas monomando e termostáticas poderían axudarte a aforrar ata un 50% de enerxía e auga grazas á súa capacidade para regular a temperatura e o caudal, existindo ademais unha gran variedade de deseños no mercado.

Cociñas sen desperdicio

Os recipientes de residuos, tanto se están integrados no mobiliario ou se utilizamos os clásicos cubos do lixo independentes, deben estar situados o máis afastados posible dos alimentos e ser baleirados e desinfectados diariamente debido aos posibles olores e humidades que poden xerar.
Un dos materiais máis habituais empregados no mobiliario da cociña para evitar estas situacións é a melamina, material plástico resistente á humidade, económico e de fácil limpeza. Unha opción eficaz tanto nestes casos, como no dos módulos destinados aos escoadoiros.

Sabías que...

Hoxe podemos atopar vernices que aumentan ata un 40% a resistencia do PVC á calor, e ata un 28% a dos acabados en brillo.