Repsol YPF

Este é un dos grandes valores dunha batería térmica, que che permite afrontar case todas as técnicas culinarias existentes cos seus propios recipientes, sen necesidade de recorrer a accesorios distintos, como a tixola para fritir, a ola para cocer ou o wok para refogar.

Cociña sen lume

A vantaxe principal dunha batería térmica é que cociña sen lume, xa que os alimentos se cocen a calor directa moi poucos minutos, e a elaboración complétase fóra do mesmo. Xeralmente, a cazola térmica colócase sobre un soporte, recipiente ou bol térmico, onde finaliza a cocción. 

Aforra tempo e enerxía

Con receitas concretas, o aforro enerxético da batería térmica pode chegar ao 60%, segundo algúns fabricantes, o que supón unha importante redución do tempo empregado na cociña. Ademais, o deseño deste enxoval acostuma ser elegante para que quede perfecto na mesa, e non precises pasar a comida a unha fonte de servizo.    

Innovadoras e sorprendentes 

Así son as pezas dunha batería térmica, ergonómicas, robustas, belas e cheas de detalles de calidade. Xeralmente incorporan paredes e tapas con dobre acristalamento, asas atérmicas, fondo de quentamento rápido, indicador de enchido con varias marcas de capacidade, elemento de seguridade, e soporte, recipiente ou bol térmico, onde finaliza a cocción.

Plásticos para a mesa

Un elemento importante destas baterías é o que serve para conservar a calor da cocción. Algunhas contan con soportes que parecen salvamanteis e outras incorporan boles térmicos de diferentes cores, sobre os que se colocan as cazolas térmicas na mesa. Tanto uns como outros están fabricados con diferentes tipos de plásticos, material perfecto para reter a calor acumulada.

Antes de cociñar

Debes seguir estas indicacións: lava a túa batería con auga quente e xabón, antes de empregala por primeira vez, e posteriormente, tras cada cocción; na túa cociña a gas, adapta a altura da lapa ao diámetro do recipiente; e revisa as táboas de cocción, coas cantidades e tempos recomendados para os distintos alimentos (veñen coas instrucións do fabricante).

Metidos en faena

Precisarás probar a túa batería térmica varias veces para acostumarte a ela, pero cando a controles, resultarache moi práctica, porque da placa irá directamente á mesa; moi eficiente, polo aforro enerxético e de tempo que representa; e moi saudable, pois grazas ás súas características contribuirá a conservar os nutrientes dos alimentos e a potenciar a cor e sabor dos mesmos.

Sabías que…     
 
Nunha batería térmica, a comida mantense quente durante un máximo de dúas horas, e que ao retirar a tapa da cazola na mesa, para servir os alimentos, o vapor da auga condensado non pinga. 

Artigos relacionats:

- Cociña ao vapor para manterte en forma

- Sácalle o máximo partido aos moldes de silicona para repostería