Repsol YPF

A cerámica resulta da combinación da terra (arxila), a auga e o lume, tres elementos que simbolizan a natureza, a orixe, a vida, a calor e o movemento. Polo tanto, xa desde a orixe, os pavimentos cerámicos son cálidos. 

Cerámica que mantén a calor do chan

A calefacción pode sacar partido da cerámica, xa que esta se presenta como un dos materiais máis eficientes á hora de instalar un sistema de climatización como o do chan radiante. E é que as innovacións neste sector son tantas que hoxe en día xa podes instalar un prato de ducha radiante para gozar da auga mentres a calor emerxe do chan cerámico.

Cóbreos con alfombras e peles

Con elas sobre os chans cerámicos, mellorarás o rendemento da túa calefacción, porque ambas propostas téxtiles potenciarán a túa sensación de calor, así que poderás reducir un par de graos a temperatura da habitación. 
Utiliza alfombras e peles para identificar ambientes e crear “illas”, moi prácticas se tes nenos. 

Cal escollo?

Os pavimentos cerámicos son resistentes aos cambios térmicos, á humidade e á auga, á calor e ao lume, á luz e a radiación solar, e aos golpes. Ademais, son antiesvarantes e antialérxicos -aspectos importantes se tes nenos-, duradeiros, versátiles (podes colocar as pezas en diferentes sentidos e crear orixinais chans e revestimentos), e moi fáciles de manter. Xa podes gozar de chans de madeira na cociña, o baño e o xardín!

Mantemento sinxelo

Moi agradecidos e prácticos para a limpeza, os chans cerámicos non necesitan produtos especiais; calquera deterxente con auga lles vai ben. Porén, se as pezas son excesivamente brillantes, é mellor que as limpes sen deterxente para evitar esvaróns. Substitúe o xabón por amoníaco ou vinagre, dos eficaces axentes contra a sucidade.

Distingues as súas tipoloxías?

As principais diferenzas entre unhas e outras baldosas están na absorción de auga -o que determina o seu nivel de porosidade-, no moldeo –prensado ou extruído-, e na posibilidade de levar ou non esmalte. O gres normal emprégase xeralmente en interiores, é esmaltado e ten unha absorción de auga baixa ou media/baixa. O gres porcelánico é perfecto para exteriores, pola súa dureza e resistencia, ten unha absorción de auga moi baixa, e non presenta esmalte.

Sabías que...

A chegada do gas ao sector cerámico español, en 1981, supuxo un cambio tecnolóxico fundamental para o mesmo. Co uso desta fonte enerxética, obtíñanse uns gases de combustión máis limpos, o que permitía o contacto directo do gas co produto a cocer.

Artigos relacionados:

-Segunda vivenda e calefacción: logra que o frío quede fóra     

-Caldeiras de gas comunitarias, a unión fai a forza