Repsol

Xestión da seguridade en plataformas offshore

En Repsol contamos con experiencia en operacións offshore, e levamos a cabo perforacións en pozos en augas profundas, tanto no golfo de México coma noutras partes do mundo.

A continuación, mostramos un mapa coas operacións offshore que levamos a cabo.

Como parte do ciclo de mellora continua revisamos periodicamente os nosos estándares e procedementos, incorporamos as leccións aprendidas, as recomendacións e as mellores prácticas internacionais.

Entre as actuacións realizadas pola compañía para a mellora da seguridade pódense destacar as seguintes:

• Procesos: Nos procesos para a construción de pozos identifícanse todos os riscos máis significativos e implántanse accións encamiñadas a evitar o dano ás persoas, ao medio e as instalacións.
• Inspeccións e auditorías: Os nosos pozos e os seus equipos son inspeccionados e auditados por terceiras partes, cubrindo aspectos técnicos e de mantemento. Como moitas das nosas operacións, as actividades na área do Upstream tamén están certificadas por terceiras partes en materia de xestión de seguridade e ambiente. Temos certificacións ISO 14001 nas operacións de Trinidad e Tobago, Casablanca, Poseidón e Bermeo, e OHSAS 18001 en Trinidad e Tobago.
• Competencias e adestramento: Contamos cun programa formal de xestión de competencias que asegura a especialización técnica de todo o persoal involucrado nas operacións.
• Planificación de resposta ante emerxencias: Dispoñemos de plans de continxencia en caso de incidentes inesperados en operacións offshore, preparados de acordo ao escenario máis negativo e baseados en regulacións locais, na normativa interna e nas mellores prácticas da industria. Estes plans son revisados e actualizados previamente ao inicio das operacións de perforación, e cando se producen cambios que poidan afectar ao normal funcionamento destas. Os devanditos plans están suxeitos a procesos de aprobación interna, e tamén das autoridades gobernamentais apropiadas no país de operación.
• Autorización para a perforación: Antes da posta en marcha das operacións de construción de pozos, asegúrase de forma documentada que todos os aspectos técnicos foron correctamente aplicados e verificados.
• Xestión de contratistas: Dispoñemos de estándares que estabelecen criterios específicos de seguridade en traballos e servizos contratados, entre os que se considera un rigoroso proceso de avaliación e contratación de provedores e servizos, así como inspeccións e auditorías internas e de terceiras partes, anteriores ao inicio das operacións. Os servizos contratados están suxeitos a supervisión e inspección periódica durante as operacións co fin de asegurar que as regulacións locais, as normas internas e as mellores prácticas da industria sexan aplicadas.             

Ademais somos membros activos de OGP (Oil and Gas Producers Association), o principal foro do sector en canto a seguridade, saúde e ambiente, participando nos distintos grupos de traballo para adoptar as leccións aprendidas da industria. Repsol tamén forma parte de distintas iniciativas de resposta ante derramamentos no golfo de México.