Repsol

Provedores e contratistas

En Repsol dispoñemos dun corpo normativo e un sistema de xestión da nosa cadea de subministración que vela pola integridade nas relacións que a compañía mantén cos seus provedores e contratistas.

En 2010 reforzáronse os aspectos de ética e dereitos humanos na revisión do corpo normativo de compras e contratacións de Repsol.

Polo tanto, Repsol esixe aos seus provedores que cumpran con estándares recoñecidos internacionalmente, como son a Declaración Universal dos Dereitos Humanos de Nacións Unidas e a Declaración sobre os Principios e Dereitos Fundamentais do Traballo da Organización Internacional do Traballo (OIT).

Indicadores de desempeño

Estabelecemos como obrigatorio que os provedores e contratistas, antes de iniciar a súa relación comercial connosco, superen un proceso de cualificación en función da criticidade do ben ou servizo que vaian subministrar. A devandita criticidade fixa a esixencia do proceso de cualificación. En 2010 pasamos de tres (0, 1 e 2) a catro niveis de criticidade: Moi Baixa, Baixa, Media e Alta.

Procesos de cualificación de provedores e contratistas
	2008	2009	2010
Provedores de bens:
Cualificados	128	1.329	1.858
Cualificados provisionalmente ⁽¹⁾	22	5	36
Non aceptados	18	76	96
Contratistas de servizos:
Cualificados	362	2.451	3.190
Cualificados provisionalmente	55	35	143
Non aceptados	73	279	285

[1] Nalgunhas ocasións, un provedor pode ser "cualificado temporalmente" cando se detecta que non cumpre con algún requisito menor, o que lle impide adquirir o estado de "cualificado". Trátase dunha situación temporal que se considera superábel nun curto período.

A normativa de compras e contratacións de Repsol esixe a realización de auditorías aos provedores cuxa actividade pertenza a títulos de criticidade alta. En 2010 completáronse 798 auditorías en 13 países.

Auditorías a contratistas e provedores	2008	2009	2010
Número Total	647	967	798

Ao longo de 2010 obtivemos bens e servizos de 24.077 provedores de 79 países diferentes.

Evolución das compras e contratacións (millóns de euros) ⁽¹⁾	2008	2009	2010
Compras totais	8.572	6.251	7.565
Compras locais	7.070	5.324	6.461
% sobre o total	82,48%	85,17%	85,41%

[1] A diferenza do importe das compras dos anos 2008 e 2009 respecto á facilitada nos informes dos anos anteriores débese a que algúns pedidos sufriron lixeiros cambios polas revisións realizadas nos primeiros meses do seguinte ano.

Obxectivos

Obxectivos 2010	Grao de avance obxectivos 2010
Avanzar no sistema de xestión de provedores para poder ofrecer un resumo dos resultados dos procesos de cualificación e auditorías a provedores e contratistas.	Durante 2010 incorporouse no sistema de provedores a obrigatoriedade de indicar o motivo principal da non cualificación. Dado que esta modificación se realizou durante o exercicio, aínda non dispoñemos de datos que sexan significativos.
Completar a revisión en materia de responsabilidade corporativa do corpo normativo de xestión de provedores.	En 2010 completouse a revisión do corpo normativo de compras e contratacións de Repsol e reforzáronse os aspectos de ética e dereitos humanos.

As accións que se levarán a cabo nos próximos anos recóllense no Plan de Sostibilidade 2012: Programa 8 (Influír sobre os nosos provedores, contratistas, distribuidores, socios e clientes)