Repsol

Empregados

Con data 31 de decembro de 2010, en Repsol traballabamos 36.323 persoas, todas pertencentes a sociedades sobre as que a compañía ten o control de operación e, polo tanto, realiza unha xestión directa.

Durante 2010 analizáronse novas medidas de conciliación, como a flexibilidade horaria e a mellora da xestión do tempo.

Indicadores de desempeño

Indicadores sociais	2008	2009	2010
Persoas de Repsol (número) ⁽¹⁾	36.302	33.633	36.323
Mulleres no cadro de persoal (porcentaxe)	26%	26%	27%
People Review (número)	3.000	1.968	3.712
Persoas de Repsol que reciben avaliación de desempeño (porcentaxe)	36	39	44
Formación por empregado (horas)	30	30	34
Mobilidades internas (número)	-	5.316	5.892
Persoas no cadro de persoal con teletraballo (número)	130	516	691
Persoas con discapacidade no cadro de persoal (número)	422	544	599

(1) Os datos de 2008 e 2009 foron revisados por inclusión de datos doutros países ademais de España.

Obxectivos

Obxectivos 2010	Grao de avance obxectivos 2010
Avanzar no detalle dos indicadores reportados a nivel país para adecualos aos reportados para España, entre eles o dato de absentismo por país. Adoptar como referencia os indicadores do modelo de xestión para empresas familiarmente responsábeis.	En 2010 avanzouse na información presentada, incluíndo máis indicadores comunicados por país, como: xubilados parciais; redución de xornada e xornada a tempo parcial; directivos e xefes técnicos por país; traballadores de Repsol representados nos Comités de seguridade e saúde; índice de enfermidades profesionais.
Promover a integración de persoas con discapacidade no resto de países onde a compañía ten presenza.	En 2010 o conxunto de persoas con capacidades diferentes do cadro de persoal aumentou un 10% con respecto ao ano anterior.
Estender as medidas e accións relacionadas coa conciliación laboral ao resto de países nos que está presente Repsol.	Con data 31 de decembro 2010, 691 persoas teletraballaban en Repsol, un 34% máis que en 2009. Ademais, analizáronse novas medidas de conciliación, como a flexibilidade horaria e a mellora da xestión do tempo.
Reforzar as canles de atención ao empregado e establecer un sistema formal de tratamento de suxestións e queixas.	Habilitouse na intranet da compañía un formulario de opinión denominado "Axúdanos a mellorar. Dános a túa opinión", mediante o cal os empregados poden expresar e comunicar as súas suxestións e queixas.