Repsol

Fundación YPF

A misión da fundación é "Contribuír a que a República Arxentina alcance os requisitos necesarios para participar activamente nun mundo que tende cara á integración". O seu principal obxectivo é apoiar proxectos nas áreas da educación, da investigación e da promoción social.

As accións pódense encadrar na xestión de filantropía cun enfoque empresarial, apuntando a desenvolver accións que sexan sustentábeis, replicábeis e de impacto social, dar prioridade ao concepto de investimento social fronte ao de asistencialismo.

Un dos eixes principais e centrais da súa actividade constitúeo a educación, cuxo obxectivo está orientado a mellorar a calidade da educación a través da colaboración e da contribución con institucións de ensino inicial, medio e superior, a formación de posgrao e o desenvolvemento da educación informal.

As súas principais liñas de actuación desenvólvense a través de concursos abertos con comités de selección independentes e están dirixidas a soster bolsas destinadas a financiar estudos no país e no estranxeiro; apoiar escolas, institutos, universidades e centros de investigación; realizar accións que tenden a apoiar o desenvolvemento de investigacións científico-técnicas e de perfeccionamento profesional; estabelecer acordos con outras entidades en proxectos que encadren cos obxectivos da fundación; e contribuír con actividades que traten de mellorar as condicións de vida e a preservación dos bens culturais da comunidade.

Ligazón ao portal da Fundación YPF.