Repsol

Iniciativas e adhesións

A nosa prioridade é adicas os recursos e esforzos para mellorar os nosos procedementos e prácticas en materia de Responsabilidade Corporativa e por iso nos adherimos e formamos parte activa de distintas asociacións, o cal nos permite acadar este obxectivo.

Pacto Mundial (Global Compact) das Nacións Unidas

Adherímonos no ano 2002 ao Pacto Mundial (Global Compact) das Nacións Unidas, iniciativa que ten o obxectivo de que as empresas acollan, como parte integrante da súa estratexia e operacións, os dez principios relacionados cos dereitos humanos, as condicións laborais, o medio ambiente e a loita contra a corrupción. Ademais formamos parte das redes locais de España (Red Española do Pacto Mundial), Arxentina (Grupo promotor do Pacto Global en Arxentina) e Bolivia (Corporación Boliviana de Responsabilidade Social Empresarial).

Extractive Industries Transparency Initiative

Somos, desde o ano 2003, socios fundadores da Extractive Industries Transparency Initiative (EITI), iniciativa que ten o obxectivo prioritario de impulsar un marco de transparencia ante as compañías do sector extractivo e os gobernos dos países anfitrións, co fin de reducir a pobreza e promover o desenvolvemento socioeconómico dos países con recursos extractivos.

www.eiti.org

Carta europea de Seguridade Vial

A comisión europea está desempeñando un papel principal no esforzo Europeo para facer as estradas máis seguras. Deste xeito institucións, asociacións e compañías teñen a oportunidade de compartir ideas e prácticas a través de Europa, de modo que todos os colaboradores poidan aprender entre eles e gañar coñecementos en canto a como os riscos nas estradas europeas poden ser evitados. Dende 2005 estamos adheridos a esta iniciativa e asinamos a Carta europea da seguridade vial da comisión europea con obxecto de reducir o número de accidentes e vítimas de tráfico.

www.erscharter.eu

Fundación Europea para a Xestión de Calidade

Somos membro da Fundación Europea para a Xestión de Calidade (EFQM) dende 1996 e participamos activamente en grupos de traballo con empresas líderes (Philips, Siemens, Bosch, Opel, etc.). A EFQM é unha organización sen ánimo de lucro formada por organizacións ou empresas membro e creada en 1988 por 14 importantes empresas europeas para desenvolver o modelo de excelencia europeo.

www.efqm.org

Fundación Iberoamericana para a Xestión da Calidade

Repsol é membro fundador do padroado e do comité executivo da Fundación Iberoamericana para a Xestión da Calidade (FUNDIBEQ) dende 1999. FUNDIBEQ ten o obxectivo de promover no ámbito iberoamericano a Calidade e a Excelencia da Xestión.
Repsol é o membro máis activo de FUNDIBEQ, co que participa en comités executivos, avaliación do premio iberoamericano á calidade, grupos de traballo estratéxicos, desenvolvemento do sistema de autoavaliación da xestión sostíbel e na representación de FUNDIBEQ no Global Excellence Model (GEM), organismo que aglutina os modelos de excelencia máis importantes (EFQM, Baldridge, JQA, Fundibeq, etc.)

www.fundibeq.org

Foro Grandes Empresas

Con data de 23 de setembro de 2010, o Consello de Administración de Repsol YPF aprobou a adhesión de Repsol YPF S.A. á totalidade do Código de Boas Prácticas Tributarias aprobado polo Foro de Grandes Empresas o 20 de xullo de 2010.

http://www.aeat.es/

Asociación de Emisores Españois

Dende o exercicio 2009, Repsol YPF é membro da Asociación de Emisores Españois, entre cuxos obxectivos se atopa a contribución ao desenvolvemento de estándares elevados de bo goberno corporativo nas sociedades cotizadas.

www.emisoresespanoles.es

Instituto de Auditores Internos

Somos socios do Instituto de Auditores Internos que ofrece unha atención persoalizada e dedicada aos seus asociados para orientalos, asesorarlos e formalos en todas as áreas da profesión de Auditoría Interna. Entre algunhas das súas actividades pódese salientar a formación continuada por medio de cursos, publicacións, reunións periódicas e traducións.

http://www.iai.es/

Consorcio Ecuatoriano pola Responsabilidade Social

Repsol YPF Ecuador pertence ao Consorcio Ecuatoriano pola Responsabilidade Social (CERES), quen agrupa a empresas e organizacións que promoven o concepto e as prácticas de responsabilidade social no Ecuador.