Repsol

Achegará os activos á sociedade conxunta con Alliance Oil

Repsol adquire a compañía rusa de exploración e produción Eurotek

Repsol compra a compañía de exploración e produción en Rusia por, aproximadamente, 230
millóns de dólares.
Entre os activos da compañía adquirida destacan os campos de gas Yuzhno-
Khadyryakhinskoye (YK), que se encontra en fase de delineación, e Syskonsyninskoye (SK),
que entrará en produción en 2012.
En 2012, Repsol incorporará estes activos, ao valor de adquisición, a AROG, a sociedade
conxunta creada recentemente con Alliance Oil, como parte do seu compromiso de achegar
capital e activos a esta, suxeito á aprobación das autoridades competentes.
Repsol e Alliance desenvolverán, a través de AROG, actividades de exploración e produción
de petróleo e gas en Rusia, o maior produtor de hidrocarburos do mundo.

Nota de Prensa

29 de decembro de 2011 15:00 CET

Repsol alcanzou un acordo para a compra da compañía rusa Open Joint Stock Company Eurotek (Eurotek), que posúe as licenzas de exploración e produción en Siberia Occidental. A transacción conta coa aprobación do Servizo Federal Antimonopolio da Federación Rusa.

Segundo o acordo, Repsol pagará aproximadamente 230 millóns de dólares pola compra de Eurotek, libre de débeda. Entre os activos adquiridos encóntranse as licenzas dos campos de gas Syskonsyninskoye (SK), en fase de desenvolvemento moi avanzada e que entrará en produción en 2012, e Yuzhno-Khadyryakhinskoye (YK), que está na última fase de delineación e podería empezar a producir en 2016.

Repsol incorporará en 2012 estes activos, ao valor da adquisición, a AROG, a sociedade conxunta con Alliance Oil, como parte do seu compromiso de achegar activos e capital á devandita joint venture, valorada en aproximadamente 840 millóns de dólares. AROG está participada por Alliance, cun 51%, e por Repsol, que ten o restante 49%. Barclays Capital e DLA Piper actuaron como asesores de Repsol na compra de Eurotek.

Os campos YK e SK, achegados por Repsol, engadirán a AROG reservas 2P (probadas e probables)
por uns 115 millóns de barrís equivalentes de petróleo, que se suman aos 171,5 millóns de
barrís de petróleo incorporados por Alliance á joint venture a través das súas filiais de upstream
Saneco e Tatnefteodatcha.

Repsol posúe un 3,5% do conxunto de accionistas de Alliance Oil como resultado da fusión de West Siberian Resources, na que Repsol posuía un
10% do capital, e a enerxética rusa en 2008.

Este documento non constitúe unha oferta ou convite para adquirir ou subscribir accións, de acordo co establecido na Lei 24/1988, do 28 de xullo, do mercado de valores e na normativa que a desenvolva. Así mesmo, este documento non constitúe unha oferta de compra, de venda ou de troco nin unha solicitude dunha oferta de compra, de venda ou de troco de títulos valores en ningunha outra xurisdición.
Este documento contén información e afirmacións ou declaracións que constitúen estimacións ou proxeccións de futuro sobre Repsol YPF. Estas estimacións ou proxeccións poden incluír declaracións sobre plans, obxectivos e expectativas actuais, incluíndo declaracións en relación con tendencias que afecten á situación financeira de Repsol YPF, ratios financeiros, resultados operativos, negocios, estratexia, concentración xeográfica, volumes de produción e reservas, gastos de capital, aforro de custos, investimentos e políticas de dividendos.
Estas estimacións ou proxeccións poden incluír tamén asuncións sobre futuras condicións de tipo económico ou de calquera outro tipo, tales como os futuros prezos do cru ou outros prezos, marxes de refino ou mercadotecnia e tipos de cambio. As estimacións ou proxeccións de futuro identifícanse xeralmente polo uso de termos como "espera", "anticipa", "prognostica", "cre", "estima", "aprecia" e expresións similares. As devanditas declaracións non constitúen garantías dun futuro cumprimento, prezos, marxes, tipos de cambio ou de calquera outro suceso, e encóntranse suxeitas a riscos significativos, incertezas, cambios e outros factores que poden estar fóra do control de Repsol YPF ou que poden ser difíciles de prever.
Entre tales riscos e incertezas están aqueles factores identificados nos documentos rexistrados por Repsol YPF e as súas filiais na Comisión Nacional do Mercado de Valores en España, na Comisión Nacional de Valores en Arxentina, na Securities and Exchange Commission dos Estados Unidos de América e no resto de autoridades supervisoras dos mercados nos que se negocian os valores emitidos por Repsol YPF e/ou as súas filiais.Salvo na medida que o requira a lei aplicable, Repsol YPF non asume ningunha obriga ?aínda cando se publiquen novos datos ou se produzan novos feitos? de informar publicamente da actualización ou revisión destas manifestacións de futuro.
A información incluída neste documento non foi verificada nin revisada polos auditores externos de Repsol YPF.