Repsol

Coche eléctrico

Repsol, líder na subministración de enerxía para o transporte, está desenvolvendo a súa primeira rede para a recarga de coches eléctricos en España.

Pablo Gómez-Acebo, enxeñeiro industrial de Repsol e responsábel do proxecto, fala sobre o coche eléctrico:

Cando será unha realidade a electricidade aplicada como fonte de enerxía para automoción? 

A eficiencia enerxética no transporte virá dada a curto e medio prazo pola mellora dos motores de combustión interna, o uso máis intensivo do AutoGas e os vehículos híbridos, mentres que a electrificación con baterías ou pilas de combustíbel representa un gran potencial a máis longo prazo. 

Como traballa Repsol para que o coche eléctrico sexa unha realidade?

Un exemplo do traballo que está levando a cabo Repsol para que o coche eléctrico sexa unha realidade, é o acordo de colaboración co Ente Vasco da Enerxía no que se está avanzando no desenvolvemento conxunto dunha rede para a recarga de vehículos eléctricos no ámbito da Comunidade Autónoma de Euskadi.

En que consiste exactamente o proxecto?

O acordo estabelece unha fase inicial para analizar a viabilidade técnica e económica do proxecto. Nesta primeira fase estanse analizando os distintos sistemas de recarga ou substitución de baterías para vehículos eléctricos. Tamén contempla a definición das especificacións técnicas dos puntos de recarga, dos modelos de operación, das localizacións máis apropiadas... e a elaboración dun plan de negocio para a creación dunha sociedade que finalmente, nunha segunda etapa, se encargaría da implantación e explotación da rede de puntos de recarga no ámbito de Euskadi.

Por que é tan importante o estudo e desenvolvemento do coche eléctrico?

Porque con estas achegas Repsol aspira a contribuír á garantía de subministración con combustíbeis que sexan eficientes en termos de custo e que contribúan á sostibilidade e ao logro dos obxectivos ambientais globais. O obxectivo de Repsol é o liderado na subministración de enerxía para o transporte tamén a longo prazo e así poder definir un posicionamento respecto ás novas tecnoloxías de hibridación e electrificación de vehículos.

Volver

ver o vídeo | ver máis proxectos

• 
• 
• 
• 
• 
• 
• 

• 
• 
• 
• 
• 
•