Repsol

O negocio do gas

As vendas de gas natural de YPF en 2009 cifráronse en 14,9 millóns de m3, o que representa un descenso aproximado do 10% respecto aos volumes comercializados en 2008. 

A diminución das vendas notouse sobre todo nos segmentos de distribuidores e industrias. En Arxentina, a cota de YPF neste mercado situouse no 37%. O prezo medio do gas natural vendido pola compañía diminuíu un 7,5% en 2009, aínda que no segmento de usinas acordouse coa Secretaría de Enerxía un incremento de prezos do 17% respecto ao ano 2008.

Dentro do programa impulsado polo goberno arxentino, operouse un barco regasificador de GNL, co que se incorporaron ao sistema unha media de 5,6 millóns de m3/día de gas (unha cantidade un 40% superior á do exercicio anterior) e inxectáronse á rede 800 millóns de m3 que se utilizou sobre todo para satisfacer as necesidades de demanda durante o inverno.

Así mesmo, no marco do programa de apoio ao goberno arxentino, YPF construíu no inverno de 2008 en Bos Aires a maior planta de propano-aire do mundo, cunha capacidade de abastecemento de 1,5 millóns de m3/día. Esta instalación entrou en operación en outubro de 2009 e ten como obxectivo contribuír á subministración de gas durante os picos de demanda invernais na capital arxentina.

Volver