Repsol

Cartaxena, a refinaría moderna

A refinaría de Repsol en Cartaxena foi inaugurada en 1951 e constituíu un fito na historia da compañía ao converterse na refinaría máis moderna de España nese momento.

Este proxecto tivo a súa orixe na sociedade REPESA (Refinaría de Petróleos de Escombreras) que consolidou o sector industrial do refinamento. Cunha extensión aproximada de 190 hectáreas, a refinaría de Cartaxena ten unha capacidade de produción de 5,5 millóns de toneladas ao ano de produtos derivados do petróleo.

As súas instalacións divídense en dúas grandes áreas: unha de produción de combustíbeis e outra de bases lubricantes, asfaltos, parafinas e aceites aromáticos. Ademais, conta cun parque de almacenamento cunha capacidade total de 3.300.000 metros cúbicos, repartidos en distintas áreas: a terminal de cru, a de produtos rematados e a de gasolinas. Tamén, alberga un parque de tanques de CORES, Corporación de Reservas Estratéxicas de Produtos Petrolíferos.

Ampliación da refinaría de Cartaxena 

A refinaría de Cartaxena volve marcar a actualidade do mundo enerxético español coa ampliación das súas instalacións, que constitúe o maior investimento realizado en España, que forma parte das iniciativas claves da estratexia de Repsol con Horizonte ao 2014.

O proxecto de ampliación da refinaría de Cartaxena inclúe, como unidades principais, un hydrocracker, un coker, unidades de destilación atmosférica e ao baleiro, e plantas de desulfuración e hidróxeno.

O investimento previsto estímase que ascenda os 3.262 millóns de euros e converterá este complexo nun dos máis modernos do mundo, duplicando a súa capacidade ata os 220.000 barrís/día.

Este proxecto permitirá maximizar a produción de combustíbeis  limpos para o transporte. Máis o 50% dos produtos do complexo serán destilados medios, o que contribuirá a reducir de forma clara o déficit dos produtos en España. Cando se conclúa o proxecto a refinaría de Cartaxena xerará preto de 700 postos de traballo.

Aposta ambiental 

O novo complexo industrial de Cartaxena xorde coa intención de ser un referente mundial do sector en sostibilidade. A continuación indicamos algúns datos que mostran a aposta ambiental de Repsol neste proxecto: 

• As plantas de recuperación de xofre están deseñadas cunha recuperación de xofre do 99,5%, supera amplamente as maiores esixencias ambientais.
• Redución de emisións: 64% menos en NOx, 68% menos en SO2 e 80% menos de partículas.
• O impacto no balance mundial de CO₂ será practicamente o mesmo, aínda duplicando a capacidade de destilación e aumentando a conversión da refinaría.         

Ligazóns relacionadas:

• Vídeo Ampliación da refinaría de Cartaxena
• Factores clave
• Maior investimento da historia
• Detalles do investimento
• A seguridade en Cartaxena           

• 
• 
• 
• 
• 
• 
• 

• 
• 
• 
• 
• 
•