Repsol

Proxectos clave

Despois de 3 anos de ampliacións e melloras, a finais de 2011 tanto a refinaría de Cartagena coma Petronor puxéronse en marcha de novo. Así, conseguirase situar o esquema de refinamento de Repsol entre os mellores e máis eficientes de Europa.

O pasado exercicio caracterizouse pola posta en marcha das obras de mellora e ampliación que se desenvolveron tanto na refinaría de Cartagena como a de Petronor. Estes proxectos, aprobados en 2007 co Consello de Administración, foron clave dentro do Plan Estratéxico de Repsol. 

Coa finalización destas obras, a compañía cumpre cos obxectivos que se pretendían conseguir, coma o incremento da capacidade de destilación e de conversión do sistema de refinamento. Isto axudará a maximizar a produción de destilados medios, nun contorno claramente deficitario, diminuíndo a produción de fuel óleos procesando crus máis pesados.

Tamén se conseguirá mellorar a eficiencia enerxética, así como a seguridade e o respecto polo medio ambiente. Con todos estes obxectivos, poderase colocar o esquema de refinamento de Repsol entre os mellores e máis eficientes.

Cartagena, o maior proxecto industrial español 

O proxecto de Cartagena, tamén coñecido por C10, incrementou a capacidade de produción do complexo ata os 11 millóns de toneladas, ou o que é o mesmo, 220.000 barrís ao día. Con esta ampliación, a refinaría de Cartagena converteuse no maior proxecto industrial da historia de España. 

A riqueza xerada durante a etapa de construción foi de 3.152 millóns de euros de investimento máis a participación de aproximadamente 20.000 persoas e a creación de emprego dunhas 3.000 persoas durante 3 anos. O período de explotación non será menos e creará 1.600 empregos directos e máis de 8.000 empregos inducidos. 

Coa finalización deste proxecto, a refinaría de Cartagena é unha instalación moderna e sitúase entre as máis eficientes de Europa dende o punto de vista enerxético e ambiental.

Enlaces relacionados:

• Máis contido multimedia de Cartagena
• Máis contido multimedia de Petronor         

• 
• 
• 
• 
• 
• 
• 

• 
• 
• 
• 
• 
•