Repsol

Gases Licuados do Petróleo (GLP)

A compañía ten o liderado en GLP pola súa excelencia operativa en mercados claves. Consolídase como o primeiro operador de GLP en España e en América Latina e o cuarto a nivel mundial.

A compañía está presente en nove países de Europa e Latinoamérica. As vendas de GLP en 2010 ascenderon a 3.108 miles de toneladas, o que supón un incremento do 3,8% respecto a 2009. Pola súa banda, as vendas totais en España aumentaron un 0,9% en comparación co exercicio anterior. 

En España, Repsol distribúe GLP envasado, a granel e canalizado por redes de distribución colectiva, e conta con preto de 10 millóns de clientes de envasado aos que subministra a través dunha rede de 243 axencias distribuidoras.

Do total das vendas minoristas de GLP en España, as vendas de envasado representaron
o 61% en 2010.

As marxes comerciais do GLP en 2010 foron inferiores ás do ano anterior, fundamentalmente na canle de envasado en España, e debido á modificación do sistema regulado de determinación dos prezos polo Ministerio de Industria, Comercio e Turismo en setembro de 2009. Na nova fórmula, o prezo que se aplica nun trimestre depende nun 25% dos prezos internacionais do trimestre inmediatamente anterior e nun 75% do prezo máximo que estivo vixente nese trimestre que conclúe.

En Portugal, Repsol distribúe GLP envasado e a granel ao cliente final e subministra outros operadores. En 2010, acadou unhas vendas de 162.000 toneladas, o que converte a compañía no terceiro operador, cunha cota de mercado do 21%. En Latinoamérica, Repsol é líder en distribución de GLP en Arxentina, Ecuador, Perú e Chile. No mercado polo miúdo de Arxentina comercializa GLP envasado e a granel nos mercados doméstico, comercial e industrial, cunhas vendas de 332.000 toneladas.

Volume de vendas de GLP

• Memoria anual 2010
• GLP                

• 
• 
• 
• 
• 
• 
• 

• 
• 
• 
• 
• 
•