Repsol YPF

O piloto de Repsol Montesa Honda, Toni Bou, foi o vencedor do Trial Indoor Comunidade de Madrid, cuarta e penúltima cita do Campionato do Mundo, disputado no Palacio de Deportes da capital española. Con esta nova vitoria, a terceira na presente edición do certame, o piloto Repsol consolidouse como líder da clasificación xeral e deu un paso importante para revalidar o título por cuarto ano consecutivo. Para logralo, bastaralle finalizar entre os catro primeiros na decisiva proba que terá lugar en Palma de Mallorca, o día 27 do presente mes de marzo.

Toni Bou foi o vencedor da proba que iniciou no Parcmotor Castellolí unha nova edición do Campionato de España de Trial. O seu compañeiro de equipo, Takahisa Fujinami, foi quinto a pesar de realizar unha gran actuación, ao cometer un erro na primeira zona que lle condicionou o resto da proba. Boa carreira de Laia Sanz, que foi terceira na categoría de TR2.

Tras dous anos participando nas máis importantes carreiras de clásicos do panorama nacional e internacional, o Repsol Classic Team inicia a súa terceira campaña en activo para levar novamente ás estradas dos nosos tempos unha parte da historia do automobilismo do noso país. Coches emblemáticos, como o Renault Alpine 1.600 SX e o Porsche 911 RSR, volverán lucir nas súas carrozarías a emblemática R branca sobre unha esfera azul, rodeada por un aro branco e outro vermello, nas competicións máis prestixiosas de Europa.

O Mundial de Trial Indoor aterraba este domingo en Barcelona cun empate a puntos na clasificación xeral entre Albert Cabestany e Toni Bou. Disputadas as dúas primeiras probas do calendario 2010 (Sheffield, Inglaterra, e Marsella, Francia), os dous pilotos españois repartíronse as vitorias; o do Repsol Montesa Honda gañou na primeira, e o seu compatriota Cabestany fíxoo na segunda.

Toni Bou concluíu en segunda praza o Trial Indoor de Marsella, segunda proba puntuable para o Campionato do Mundo da modalidade. O piloto Repsol protagonizou unha emocionante loita pola vitoria, que se decidiu no último momento. Bou e Cabestany, ao final vencedor, concluíron as catro zonas da semifinal empatados a 5 puntos, igualdade que ambos mantiveron ata que o vixente Campión do Mundo penalizou un punto no último obstáculo da final.