Repsol YPF

Bou debeu empregarse a fondo até o último momento e finalizou con tres puntos menos que os dous adversarios que lle acompañaron no podio, Jeroni Fajardo e Albert Cabestany. Vencedor en tres das catro probas disputadas anteriormente, o piloto Repsol terá suficiente con sumar catro puntos na cita que pechará o certame, para engadir un novo título ao seu palmarés.

Laia Sanz, pola súa banda, estivo en condicións de lograr un triunfo que se lle escapou cando ao pasar sobre unha pedra, esta rompeu e foi penalizada con cinco puntos; a mesma diferenza que ao final lle separou do vencedor. Con este resultado, Laia Sanz ascendeu á terceira posición na xeral da categoría.
A presente edición do Campionato de España de Trial finalizará coa proba que se disputará o día 15 de novembro na Colonia Cal Roseira, en Barcelona.

Toni Bou
“O título está bastante máis ao noso alcance, pero aínda queda unha proba por disputar na que deberemos seguir facendo ben as cousas. A lesión de Adam Raga está a privarnos dun rival importante, pero hoxe quedou claro que tanto Jeroni [Fajardo] como Albert [Cabestany] apertan forte. Cometín algúns erros absurdos e tívenos moi preto.”

Laia Sanz
“Obviamente estou moi contenta por este resultado, pero non podo evitar sentirme algo decepcionada, xa que estiven en condicións de gañar. Considérome vítima da mala sorte, porque na segunda volta pisei unha pedra que rompeu e se moveu, e aqueles cinco puntos son os que me faltaron para lograr a vitoria”.

26/10/2009

Últimas noticias

> Laia Sanz confirma o seu título cunha nova vitoria
> Laia Sanz: “Canto máis difícil é o trial, máis se poden marcar as diferenzas”