Repsol YPF
Ruta
Esteve Rabat recupera o coñecemento e evoluciona favorábelmente
O piloto do Repsol KTM Team, Esteve Rabat, recuperou o coñecemento esta mañá no Hospital Xeral de Catalunya e evoluciona favorábelmente da súa caída no Circuit de Catalunya. Rabat, que perdeu o coñecemento onte á súa chegada ao Hospital Xeral de Catalunya e ao que se mantivo baixo sedación farmacolóxica durante toda a noite, respondeu positivamente esta mañá, ás 9.30 horas, á redución progresiva dos sedantes e aos estímulos dos servizos médicos para que recuperase o coñecemento.
Onte á noite, ás 23:00 horas, o equipo médico da UCI do Hospital Xeral de Catalunya que o atendía, coa Doutora Cristina Fortià á cabeza, someteron a Rabat a un segundo TAC, de resultados novamente negativos, é dicir, con ausencia de lesións cerebrais. Trala positiva noticia de onte a medianoite, optouse por deixar ao paciente sedado durante o resto da noite.
Como dato anecdótico, destacar que tras espertar esta mañá, Esteve Rabat insistiu en que quería regresar ao Circuit de Catalunya, para proseguir cos adestramentos e correr mañá a carreira. O piloto do Repsol KTM Team permanecerá hospitalizado un mínimo de 48 horas máis, para someterse a novas probas médicas o vindeiro luns.
Segundo declaracións do Dr. Carles Ferrer, Intensivista de garda da UCI do Hospital Xeral de Catalunya e Xefe de Garda de día, “ás 12:00 horas de hoxe sábado, sete de xuño, comprobouse que o paciente Esteve Rabat evolucionou favorábelmente, podendo ser desconectado de ventilación mecánica e extubado sen incidencias. Compróbase un nivel de consciencia normal (GCS 15) sen focalidade neurolóxica algunha. Mantense en observación e baixo tratamento na nosa unidade, en espera de confirmar a boa evolución clínica nas próximas horas. Prognóstico actual reservado. De confirmarse a boa evolución podería pasar a planta, quedando pendente de novos estudos diagnósticos a partir do próximo luns 9 de xuño.”
07/06/2008
Últimas noticias
> Prometedor inicio de Pedrosa en Montmeló
> A afección estará con Dani
Nota informativa: Tradución do orixinal en castelán. No caso de calquera discrepancia, prevalecerá a versión en castelán.