Repsol YPF

A semana que vén o piloto italiano volverá ter a oportunidade de subirse á moto oficial de Honda nos adestramentos que se disputarán en Xerez. Dovizioso mostrouse moi ilusionado con este novo reto e está moi satisfeito con como avanzan as cousas no seu novo equipo. O novo piloto Repsol xa pensa na tempada que vén.

A pretempada de 2009 é máis longa do habitual, un feito que contrasta coa redución das probas que se disputarán até o próximo mes de abril, momento no que botará a rodar de novo a competición. Esta decisión, segundo algúns pilotos, pode favorecer o espectáculo e é que así poderán ter máis tempo para a preparación física persoal, algo que se notará desde a primeira carreira.

O pasado día 27 de outubro comezou a rodar a pretempada de 2009. Fíxoo en Valencia, no circuíto Ricardo Tormo, o mesmo escenario onde un día antes finalizaba o Mundial de 2008. A seguinte cita non será moi lonxe de alí. O trazado español de Xerez acollerá, entre o 26 e o 28 deste mes, tres novas xornadas de probas. Os equipos traballan sen parar para prepararse para o Mundial “monomarca”.

A pesar de estar de vacacións, Dani Pedrosa ten a mente posta na próxima tempada, na que o seu máximo obxectivo é gañar “consistencia e regularidade”. O piloto Repsol loitará o ano que vén por facerse co título Mundial despois de acabar terceiro este ano, tras padecer unha serie de infortunios.

O español Toni Elías está pendente de pasar polo quirófano para someterse a unha operación cirúrxica na que deberán extraerlle unha placa de aceiro que lle inseriron ao final da tempada 2007. Con todo, tanto o piloto como o seu equipo decidiron pospor a cita para así poder tomar parte na proba que se disputará a finais deste mes no circuíto de Xerez.