Repsol YPF

As tres últimas carreiras confirmaron a valía dun Dani Pedrosa que se está mostrando máis valente e agresivo que nunca. En Le Mans, o catalán tirou de casta para lograr un espectacular podio na última volta. Un día antes conseguía a “pole” por cinco milésimas, tamén no último suspiro.

En Xapón, o piloto Repsol protagonizou unha magnífica saída que lle valeu para acabar a carreira en terceira posición, mentres que en Xerez rodou no primeiro posto durante gran parte da carreira, para acabar segundo detrás de Valentino Rossi. Tan só na primeira cita do Mundial rodou lonxe dos primeiros e tamén naquela ocasión estivo a piques de lograr a remontada pero un choque con De Angelis, ademais do seu minguado estado físico apartáronlle da loita pola carreira.

Dani Pedrosa é consciente de que aínda queda moito por facer. Tralo seu gran arranque de tempada o español é sétimo na clasificación, aínda que a só nove puntos do líder, Jorge Lorenzo. Pero a regularidade é moi importante e o catalán sábeo: “Un Mundial gáñao aquel que ten a mellor media”. O de Repsol confía en seguir progresando nas próximas semanas, e subir ao máis alto do caixón.

20/05/2009

Últimas noticias

> Pedrosa “Foi unha última volta moi emocionante”
> Dani Pedrosa logra un espectacular podio en Le Mans