Repsol YPF

Márquez compartiu pista cos dous primeiros clasificados da categoría, e rodou constantemente en tempos moi semellantes, demostrando unha vez máis o gran paso adiante experimentado nas seis carreiras celebradas esta tempada. Cun rexistro de 1 minuto 40.5 segundos, o piloto Repsol mellorou no medio segundo a volta rápida do último Gran Premio disputado no trazado valenciano.

O principal obxectivo destes dous días foi mellorar as sensacións de Márquez co tren dianteiro da súa motocicleta, o punto do que máis viña queixando o piloto Repsol nas últimas carreiras. Variando a xeometría do chasis e a posta a punto da forquita dianteira, o equipo logrou varias solucións que agora lle permiten entrar nas curvas e manterse nelas con maior comodidade, alongando así a durabilidade dos pneumáticos.

Marc Márquez, 1’40.5 seg, 115 voltas, 461 km.
“Este adestramento foinos ben, porque atopamos bastantes opcións distintas que serán útiles nas próximas carreiras. Sempre é positivo facer probas, porque permite probar con tranquilidade e comparar diferentes pezas, cousa que nun Gran Premio, cunha soa moto, non podes probar. Estes dous días puidemos afinar máis na posta a punto básica que temos na moto, e a partir de aí, será máis sinxelo atopar en cada pista a configuración idónea para as características do circuíto.”

19/06/2009

Últimas noticias

> A bela Amsterdam: destino do Desafío Repsol
> Andrea Dovizioso, a un paso do podio