Repsol YPF
Ruta
Pedrosa “Foi unha última volta moi emocionante”
O piloto de Repsol honda realizou unha gran carreira, tras conseguir meterse no caixón nunha espectacular última volta. Xusto ao terminar a carreira, o piloto de Castellar afirmaba que “foi unha última volta moi emocionante. Finalmente foi un podio moi importante xa que o conseguín xusto ao final. A carreira foi difícil xa que non acertei ben no momento de cambiar a moto”.
En canto á peculiaridade da carreira de pasar de pneumáticos de mollado aos de seco, comentou que “tiven problemas ao principio en seco e por iso fun dos primeiros en cambiar a moto. Cando volvemos a pista, vin como Rossi caía diante de min, e decidín non arriscar moito para poder acabar a carreira. Esa situación fíxome perder moitos segundos. Pero despois volvín a remontar posicións, empecei cada vez a ir máis rápido. Ao final estaba moi lonxe dos primeiros pero conseguín un podio na última volta que foi moi bonito. Foi unha pena polo segundo que perdín ao principio pero polo demais moi ben”.
Marc Márquez non tivo un bo día por mor da choiva. Tras partir dende a pole, o piloto de Cervera tivo a mala sorte de estar detrás de Joan Olivé, xusto cando caeu. Nese momento marchaba terceiro, desta maneira comentaba que “Tiven moi mala sorte, porque ía moi preto de Olivé e cando caeu, non puiden evitalo. Durante toda a fin de semana rodei moi cómodo nesta pista e quédome coa pole que conseguimos onte como algo moi positivo. Tiña bo ritmo para rodar en auga, pero non puiden evitar a Olivé. Tentei continuar, pero a moto tiña algúns problemas despois da caída e un xiro máis tarde volvín caer. Agora só nos queda esquecernos do sucedido hoxe e pensar xa en Mugello.”
17/05/2009
Últimas noticias
> Dani Pedrosa logra un espectacular podio en Le Mans
> Simoncelli recupera o trono no Grande Premio de Francia
Nota informativa: Tradución do orixinal en castelán. No caso de calquera discrepancia, prevalecerá a versión en castelán.