Repsol YPF

Puiden descansar e facer unha boa preparación física que durante o ano me dea unha boa oportunidade para manterme en forma. Estiven a adestrar moito coa moto, tentando pola a punto, aínda que por agora non progresamos todo o que me gustaría. Aínda queda un adestramento máis que imos aproveitar ao máximo e pronto estaremos na primeira carreira. Non houbo moitos días de moto e bótase un pouco de menos poder probar máis veces.

Respecto ao ano pasado, fixemos un gran cambio e estou moi contento de poder estar nesta presentación do Repsol Honda Team en Madrid. O ano pasado foi unha sensación un pouco estraña ver a todo o mundo pasándoo ben e eu estar lesionado, que non podía case moverme. Poder vir aquí e sentir o apoio do público é fantástico para comezar a tempada”.

Andrea Dovizioso, ausente na presentación, mandou esta mensaxe a todos os seus seguidores: “Sinto moito non poder acudir á presentación do Repsol Honda Team, pero espero que poidades escusarme. Desgraciadamente, a gripe e moita febre téñenme na cama, e neste momento da tempada, cuns adestramentos en Qatar a semana que vén, a nosa prioridade é estar en forma para este último test de pretempada. O noso obxectivo común é ser competitivos dende a primeira carreira.

Todos queremos ver as motos de Repsol Honda loitando diante cada domingo. Todos traballamos moi duro este inverno: Honda mellorou todos os aspectos da moto e nós estivemos a adestrar, ademais de dar indicacións para o desenvolvemento da RC212V 2010. Sabemos que non será doado, pero faremos todo o posible para loitar cos pilotos máis rápidos en todos os Grandes Premios.

Quero darlle as grazas a Repsol por todo o seu apoio. A colaboración con Honda é longa e sólida, e espero que podamos compartir grandes satisfaccións esta tempada. Gústame a continuidade, así que aprecio moito o traballo de Repsol. Mesmo podo presumir de ter unha moto Repsol no meu garaxe: cando corría con minimotos tiven unha decorada coas cores da Honda de fábrica, e agora que crecín estou a vestir aquelas mesmas cores, ao ser piloto do Repsol Honda Team. É onde sempre quixen estar.

Tamén quero darlle as grazas a Honda, con quen corrín toda a miña vida. Xuntos gañamos o Campionato de 125cc en 2004, e tres anos seguidos estivemos a piques de logralo nos 250cc. Agora, estou moi contento de estar por segundo ano no Repsol Honda Team, o equipo de fábrica. Traballaron duro durante o inverno e despois de moita insistencia atoparon as solucións que pediamos. Estou moi contento pola dirección tomada, e teño moita confianza en que poderemos estar entre os candidatos ao título”.